Welkom by Rosenview Gastehuis

By Rosenview Gastehuis, op ‘n plaas in die wynland, genestel in die skadu van Helderberg, kan gaste hulself koester in die vrede en kalmte, terwyl hulle ’n tradisionele plaasontbyt geniet, persoonlik voorberei deur hul gashere, Gawie en Estelle Bruwer.

Daar is twaalf ruim dubbelkamers met en suite-badkamers, asook twee gesinseenhede (vyf mense per eenheid). Elke kamer is toegerus met lugversorging, koffie-maak-fasiliteite en ’n welwillendheidskroeg in die yskas.

Met die swembad, piekniek en braai-areas, voël-kyk-tuine met groot, oop grasperke en skaduryke bome, beloof Rosenview vir jou ’n ontspanne en heuglike verblyf.

Rosenview beskik oor 'n luukse 15 + 2 sitplek 4 ton Mercedes Sprinter bus met dieselfde uitleg as 'n passasiers vliegtuig se passasierskajuit, sitplekke met terugleun-aksie "reclining seats" en baie meer beenspasie as in ekonomiese klas. Elke passasier het ook sy eie leeslig en lugverkoeling met oorhoofse bagasie rak.

Die naaste strand is 11 km ver, vyf gholfbane 10 km, Kaapstad slegs 45 km en die Internasionale lughawe 30 km (met geen verkeersligte tussenin nie).

Wat kan ’n moeë, uitgeputte sakeman meer verfris as om ’n konferensie by te woon in die hartjie van die Kaapse Wynlande? Rosenview bied ’n volledig toegeruste konferensie-fasiliteit wat sitplek bied vir tot twintig afgevaardigdes. Waarom nie die grootsheid van jou omgewing indrink terwyl jy aandag gee aan ernstiger sake nie?

Aan die einde van die dag kan jy al met die voetslaanpaadjies deur die wingerd langs wandel tot by die voet van Helderberg. Van daar kan jy jou verlustig in die skemer-silhoeët van die Skiereiland, van Kaappunt tot by Tafelberg. Of anders kan jy in egte Suid-Afrikaanse styl om die braaivleisvure kuier!